Brezhoneg 
Français 
English (UK) B. An DROUIZIG Difazier - Pellgargañ an ostilh
- Munudoù
Un correcteur orthographique et grammatical breton pour Microsoft Office 2007
Les utilisateurs d’Office 2007 peuvent désormais télécharger gratuitement un correcteur orthographique et grammatical breton sur le site http://www.drouizig.org. Avec un dictionnaire de 60.000 lemmes représentant 1,5 million de formes fléchies, ce correcteur, développé par l’association de bénévoles An DROUIZIG, qui promeut la langue bretonne, vient s’ajouter à la liste des outils réclamés par tous ceux qui sont sensibles à la défense des langues « moins dotées ».
J’avais parlé ici-même du lancement d’un correcteur orthographique romanche il y a quelques mois. Franck nous rappelle également que l’interface d’Office 2007 a été récemment traduite en alsacien. Langues régionales, langues en danger, langues de moindre diffusion, langues peu dotées… tous ces concepts se recoupent très souvent et les nouvelles technologies peuvent contribuer à préserver ce patrimoine linguistique. Je suis heureux de voir que les communautés jouent leur rôle. En y mettant tous du nôtre, nous pourrons peut-être enrayer l’érosion de ces langues. J’y reviendrai bientôt…
Thierry Fontenelle
Microsoft Natural Language Group
Le projet a été mené par Philippe Basciano Le Gall,
ingénieur R&D, diplômé de Télécom Nancy
Ostilhoù-yezh evit Microsoft Office 2013
Gwened - Vannes - d'ar Merc'her 9 a viz Genver 2013
Laouen eo pare An DROUIZIG o kemenn deoc'h, evit deroù ar bloaz 2013, hizivadur An DROUIZIG Difazier. Skor an heuliad burevek Microsoft Office 2013 eo an nevezinti pennañ eus an hizivadur-mañ. Hegerz eo an heuliad (evel alberz nemetken) abaoe nebeut a amzer war lec'hienn Microsoft. A-benn an trimiziad kentañ eus 2013 e vo gwerzhet d'an dud.
O toujañ d'an doare skrivañ peurunvan e skor an handelv-mañ pemp kant stumm ger ouzhpenn, tennet, evit an darn vuiañ anezho, eus an nevezc'herioù brezhonek hag eus geriaouegoù rannyezhel. Gant ur geriadur 60.000 ger ennañ o kevatal da 1,6 milion stumm deveret e vez tremenet dreist pep live arverañ ar brezhoneg. Gant ar meziant ez eus ur c'heflusker da ardeiñ an hoskiñ (an troc'h gerioù e dibennoù al linennoù testenn) hag un dezrannerez yezhadurel da zinoiñ ar fazioù kemmadurioù.
Dreist e vez enkorfet ar binvioù-mañ en heuliad. Prouadet stank dre ur strollad testennoù 20 milion ger ennañ e vez kinniget un anaoudegezh divank eus stummoù deveret ar brezhoneg. Ur benveg kelennadel, talvoudus evit an dud a zesk ar yezh a ya da vezañ an Difazier hag ouzhpenn-se ur benveg n'haller ket ober heptañ evit ar re a skriv e brezhoneg bemdez : kelennerion, kazetennerion, animatourion, h.a.
O kontañ meur a vil pellgargadur abaoe ma 'z eo aet war-wel en em azasa ar goulev diouti c'hoazh ur wech en ur heuliañ nevezerezhioù diwezhañ nevid ar c'halvezouriezhoù nevez a-fet meziantoù.
Daveoù
Pep ger a vez anavezet gant A.D.D. zo bet gwiriet.
Sur eo e vez kavet e wrizienn da nebeutañ e-barzh ur geriadur e-touez ar re vrudet meneget da heul :
- Reizhskrivañ -
- Geriadur An Here, eil embannadur.
- Geriadur Brezhoneg-Galleg / Français-Breton, Roparz Hemon/Ronan Huon. Embannadurioù 1993, 2002, 2005.
- Geriadurioù Preder (Stlenneg, Armerzh, Jedoniezh...).
- Geriadur Brezhoneg-Galleg - Français-Breton - Mouladurioù Hor Yezh.
- Gerioù evit komz brezhoneg bemdez - Alan Monfort.
- Dastumad gerioù a rannyezhoù a gevred, Turiaw ar Menteg.
- Lexique complémentaire Breton-Français, Imbourc’h, Jil Ewan - Marc’h-kleur, Youenn Olier.
- Geriaouiñ Diwan, bet bodet er stlennvon « Brezhoneg21 ».
- Yezhadur -
- Grammaire bretonne, Roparz Hemon.
- Yezhadur Bras ar brezhoneg - Frañsez Kervella.
- Grammaire bretonne - Pêr Trepos.
- La grammaire bretonne pour tous - Eugène Chalm.
Pellgargañ
- Siloù « SmartScreen »: daoust d'ar programmoù bezañ sinet e vo ret a-wechoù aotreañ ar staliañ,
Ret eo klikañ war « Informations complémentaires » pe « More Info » evit kenderc’hel gant ar staliañ.
Abaoe miz Kerzu 2020 ez eo posupl pellgargañ ur pak klot a zo ennañ stumm diwezhañ an difazier evit holl stummoù an heuliad Microsoft Office. Gant ar pak-mañ e teu ur programm staliañ a gavo pe stumm Office ho peus war hoc’h urzhiataer hag a ginnigo deoc’h pe stumm an difazier a vo staliet.
- Lennit : penaos lakaat an difazier war e reizh dindan Microsoft Word ? Ha traoù nevez a-zivout ar mont en-dro dindan MacOSX.
Trugarekadennoù
Trugarekaat a reomp ar re o deus sikouret deomp mod pe vod da lakaat an ostilh-mañ war e sav, evel m'emañ hiziv. E-touez anezho, Tomaz Jacquet, Milio Latimier, Mikaël Coïc, Gwenael Dage, Paskal Belz, Gwenael Morio, Divi Kervella, Iwan Kadored, Yann an Aod, Albert Boché, Tugdual Kalvez, Dominique Pellé...
Gerva ar Stlenneg 2017
- Munudoù
Evit skoazellañ ac'hanoc'h da arverañ ar meziantoù e brezhoneg e vez kinniget ganeomp Gerva An Drouizig. An handelv diwezhañ a oa be kinniget e 2012 ha diamzeret eo bremañ. Setu perak e kinnigomp deoc'h ur Gerva nevez, hizivaet gant geriaoueg nevez.
Troidigezhioù ar meziantoù LibreOffice, Firefox, Thunderbird, Gimp hag Inkscape, hag an holl re all a zo kinniget, gant an droidigezh e galleg e-kichen. Ma vank termenoù a c'hallit kas ur postel deomp d'ar chomlec'h
Pellgargañ Gerva ar Stenneg 2017 e mentrezh PDF
Levrioù elektronek e brezhoneg
- Munudoù
Levrioù en domani foran a zo hegerz e mentrezh epub.
Ur mentrezh digor eo epub a dalv da skrammañ ul levr gant un urzhiataer pe ur smartfon (iphone, i
pod touch, pellgomzerioù dre reizhiad Android, Bada, Windows Mobile, ha re all...)
« Akademiezh yezhoù keltiek » Mozilla
- Munudoù
An emvod etrekeltiek kentañ aozet gant Mozilla (a ra war-dro Firefox) zo degouezhet e derou miz Meurzh 2015 e Bangor e Bro Gembre. Pedet e oa pare an Drouizig.
Alan ha Gwenn o deus kemeret perzh ennañ. Labourioù renet e brezhoneg a oa derc'houezet ganto.
Meur a bal a oa gant an devezhioù-se, en o zouez :
- Bezañ divar e oa kempennet hag hizivaet kaer ar raktresoù kefridiel evit an iwerzhoneg, ar skoseg, ar c'hembraeg hag ar brezhoneg.
- Lañsañ ar pakadoù yezh kentañ evit ar skoteg hag ar manaveg.
- Komz diwar-benn diorren pep raktres treiñ
- Aozañ ur frammad amzer ratreañ evit pep yezh en ur lakaat un anv war an dud a yay war hor lec'h (mar bez tud), en ur venegiñ al loazioù yezh (stlennvonioù termenoù, kenemglevioù ha sturioù a-fet stil).
- Krouiñ « Akademiezh ar Yezhoù Keltiek » diazezet war ar strollad tud a oa eno a-benn despizañ sturioù evit an droourion a zo e kreiz skipailhoù bihan e l10n.
- Diskouez doareoù pleustriñ war an treiñ (L10n), deskiñ hentennoù treiñ disheñvel ha dizoleiñ ostilhoù efedus ha pleustrek.
E-pad an devezhioù-se hon eus taolet meiz e oa diaesoc'h al labour evit ar yezhoù all eget evit ar brezhoneg e-keñver ar c'heriaoueg. Ret eo d'ar skipailhoù iwerzhonek ha skosek krouiñ o gerioù o unan. N'o deus ket ur strollad evel Preder evit ober al labour-goveliañ-mañ. Ha n'int ket skoret gant ar pennadurezhioù foran kennebeut. E brezhoneg hon eus tennet korvo eus al labourioù ramzel kaset da benn gant tud a sav gerioù abaoe François Vallée, Roparz Hemon, izili SADED ha Preder.
War an tu all ez eo skoret kreñv ar re a labour evit ar c'hembraeg. Binvioù stlennegel e-leizh o deus krouet gant skoazell o fennadurezhioù. Skoret eo an enklask skolveurel evit ar c'hembraeg (niverelaat levrioù, sevel binvioù da reiñ urzhioù d'ur robot gant e vouezh, meziantoù treiñ emgefreek, h.a.). Efedus eo bet al leviadurezhioù evit kreskaat arver ar c'hembraeg : panelloù hent divyezhek e pep lec'h ha dreist-holl an dud a gomz kembraeg war ar straedoù, er stalioù, en o buhez pemdeziek.
Abadenn staliañ e Gwened
- Munudoù
War ar pembez e vez implijet ganeoc’h ur merdeer kenrouedad, ur posteler pe meziantoù un heuliad burevek… Ha soñjet ho peus ober ganto e brezhoneg?
An Drouizig ha Brezhoneg e Gwened a ginnig deoc’h un abadenn staliañ e Gwened d'an Sadorn 10 a viz Meurzh da 2e d'enderv evit mont pelloc’h ganti.
Brezhonekait ho stlenneg! Difazier, meziantoù, c'hoarioù... A-bep seurt evit hoc'h urzhiataer hag ho poellgomzer.
Kregiñ a raio an abadenn gant ur ginnigadenn eus ar pezh a c'haller kavout e brezhoneg war an dachenn niverel. Da c'houde e vo an atalier staliañ da vat!
Tud OpenStreetMap vo ganeomp evit diskouez ar raktres www.openstreetmap.bzh !
Ur raktres-kenlabour savet gant kenoberourien OSM eo OpenStreetMap.bzh. Lakaat war OSM, ar gartenn enlinenn frank, lec’hanvioù hag anvioù poentoù heverk e brezhoneg eo ar pal.
Dalc'hit soñj eus an deiziad hag eus al lec'h: d'ar Sadorn 10 a viz Meurzh da 2e d'enderv en davarn "Warpzone" 10 straed al Lezenn (rue de la loi) . Digor eo d'an holl [vrezhonegerien].
Ha degasit hoc'h urzhiataer, ho poellgomzer pe hoc'h alc'hwez USB evit o brezhonekaat.
Daoust bezañ digoust an enderviad staliañ evidoc'h, gwenneien a vo tu deoc'h profañ evit kemer perzh e priz an evaj...
PS : Kudenn ebet ma n'hallit ket erruout d'an eur skrivet war an darvoud: degemeret e viot evit skoazellañ ac'hanoc'h a-hed an abardaez !
Pajenn 1 eus 18