Donemat war lec’hienn An DROUIZIG
Donemat ! An DROUIZIG, anvet Korvigelloù An Drouizig diagent, zo ur gevredigezh krouet e Gwened, Mor-Bihan, e miz Ebrel 2003 evit lakaat ar brezhoneg da vont war-raok.
Spisaet eo bet hec'h obererezhioù war dachenn ar c'halvezerezhioù nevez nemetken, urzhiataerioù personel, PDA, hezougelloù, porzhiadoù bilhedoù...
War hol lec’hienn e kavoc’h meziantoù digoust da bellgargañ. Kavet e vo meziantoù frank evel ar merdeer Firefox, ar postelerezh Thunderbird, an heuliad burevek LibreOffice. An difazier brezhonek « An DROUIZIG Difazier » evit an heuliad kenwerzhel Microsoft Office, pep moulladur skoret ganeomp, Windows ha MacOSX.
Traoù all a gaver amañ a vo moaien da bellgargañ ivez : difazier brezhonek Hunspell evit LibreOffice, levrioù brezhonek niverelaet, nodrezhioù keltiek...
Gimp 2.8.4 e brezhoneg
Internet, d'ar 5 a viz C'hwevrer. Gimp Team a ginnig deoc'h GIMP 2.8.4 eil hizivadenn an handelv 2.8.
Reizhet ha gwellaet ez eus bet ur bern traoù e 2.8.4. Lennit amañ a-benn gouzout hiroc'h.
LibreOffice 3.6.6 e brezhoneg
Internet d'an 13 a viz Ebrel. Laouen eo pare LibreOffice o reiñ deoc'h da c'houzout ez eo bet lakaet war wel handelv 3.6.6 LibreOffice.
GCompris 11.09 e brezhoneg
Ur meziant kelennadel o kinnig obererezhioù liesseurt d’ar vugale etre 2 ha 10 vloaz eo GCompris.
